Nota introduttiva:
Quarant'anni di vita insieme, cominciando a fare il nido comune dal niente, ma il sacrificio e l'amore hanno prodotto i loro frutti. Le mani e i volti rivelano i segni del tempo trascorso, ma l'affetto è rimasto autentico come il primo giorno. Il tesoro accumulato non è d'oro o d'argento, ma di pace e onestà, con la festa di tanti nipoti. Sestine di buona fattura metrica e ritmica.

OTTO LUSTROS

Otto lustros che sun giai passados
da cando hamos giuradu in car'a Deu,
e i su coro tou cun su meu
da duos, si sun fattos un solu:
s'est fuidu su tempus in d'un olu
sena mancu no nd'esser abizados.

Hamos dae su nudda cuminzadu
a pedra pedra a nos fagher su nidu,
e i s'amore a su suore unidu
ingranidos nos hat aportu ranos
ca, cantu a tie passadu est in manos
est diventadu totu oro coladu.

Mai de pasu tentu hamos un'ora
cantu in campagna deo, in domo tue,
e cando si presentat calchi nue
in dies frittas de lugore avaras,
bastat appena ch'iscanzes sas laras
tue e su sole nostru essit a fora.

Si sun sas manos de gallos pienas
e i sa pijas in cara profundas,
s'amore est birde, e nos b'attit a undas
totu su bene chi nos hat promissu:
e fin'a cantu in coro hamos a issu
ch'istan attesu dolores e penas.

E ite importat si oro ne pratta
no hamos e ne dinari in cantidade?
Su tribagliu, sa paghe e s'onestade,
sun sa ricchesa, su siddadu nostru
chi costoimos in subra su zostru
ch'in tempus benidore lasset tratta.

Semus giajos de doighi siendas
ch'estin sa domo de festas e d'ammajios,
pagu li cheret a esser bisajos
si Deu ancora nos lassat in vida.
E cando in terra s'andala est finida
nos isettan in chelu ateras prendas.