TOTU IMPARE PRO SA INDIPENDENTZIA DE SA NATZIONE SARDA

Est arribada s'ora de cumintzare sa bardana pro torrare sa Sardigna a sos Shardanas

Sa tzerachia batut miseria sa suverania batut prosperidade

Tzeladu su ventu sardista si pesat su ventu de s'indipendentzia

8/03/03 CUSSITZU NATZIONALE DE SARDIGNA NATZIONE  INDIPENDENTZIA

Caru patriota membru de su Cussitzu Natzionale de Sardigna Natzione ses cumbidadu a partetzipare a s’aboju chi si faghet sa die 08/03/03, de sapadu, in Arastanis in s’aposentu de abojos de su HOTEL ISA  a sas 16.30.

Ti lu so faghenne ischire meda tempus prima pro fagher in modu chi sa die sies liberu de ateros impignos e potas esser presente.

In S.N.I. b’est su bisontzu de ischire chie son sos patriotas chi cheren mantenner un’impignu sighidu in sa pelea chi semus faghenne e chie duncas cheret sighire a fagher parte de su cussitzu nazionale. Si ses mancadu ateras bortas dae s’aboju faghe in modu de bi esser custa via, SNI at bisontzu de totu sos militnates, no at ateras risorsas. B’est su bisontzu puru de torrare a fraigare unu  crime de amistade e de tratamentu che de frades. Sos ispuntiglios e sos aboloteddos tra militantes son coseddas minores a fronte de s’importu mannu de sa pelea chi semus pissighinne, non nos deven indebilire e nocher.

Comente Coordinadore Natzionale ti cumbido a sighire chin s’impignu in su Cussitzu Natzionale e a non mancare a sos abojos, si pro casu non potes partetzipare ne deves dare tocamentu, pro telefono o pro iscritu, a su coordinadore natzionale.   tel. 0784/415239 - 0784/415249 -  339/4232098   - 348/7815084.

Datu chi custos abojos de su cussitzu natzionale servin puru comente iscola de militantzia ti cumbido a assicurare sa presentzia tua e de sos tesserados chi tue connosches.

Arrejonos de sa die

·       Relata de novas de su coordinadore .

·       Maneras e medios pro torrare in amistade sas differenzias internas a SNI.

·       Amparadura de sa CONSEU in Sardigna

·       Amparadura de sos cungressos de distretu .

·       Finantziamentu de SNI

·       Referendum art. 18

·       Ateras chistiones de bisontzu.

Datu chi amus bisontzu chi ventzan finidos sos travaglios in arrejonu, totu sos interventos  non an a poter superare sos 15 minudos.

Poten puru faeddare sos militantes chi non son membros de su C.N., chene diritu de votu, ma pro non prus de 5 minutos.

Nugoro 22/02/03

    SU COORDINADORE NATZIONALE

   Bustianu Cumpostu

30/11/02 CUSSITZU NATZIONALE DE

SARDIGNA NATZIONE   INDIPENDENTZIA

Caru patriota membru de su Cussitzu Natzionale de Sardigna Natzione ses cumbidadu a partetzipare a s’aboju chi si faghet sa die 30/11/02, de sapadu, in Arastanis in s’aposentu de abojos de su HOTEL ISA  a sas 16.30.

Datu s’importu mannu de sos argumentos in kistionu sa presentzia tua est netzessaria meda, si pro casu non potes partetzipare ne deves dare tocamentu, pro telefono o pro iscritu, a su coordinadore natzionale.  tel. 0784/415239 - 0784/415249 -  339/4232098   - 348/7815084.

Datu chi custos abojos de su cussitzu natzionale servin puru comente iscola de militantzia ti cumbido a assicurare sa presentzia tua e de sos tesserados chi tue connosches.

 Arrejonos de sa die

·       Relata de novas de su coordinadore .

·       Amparadura de sa CONSEU in Sardigna

·       Nomina de sos delegados de imbiare in Euskadi pro s’aboju de Udallbiltza .

·       Amparadura de sos cungressos de distretu.

·       Finantziamentu de SNI

·       Nomina de sos presidentes de sas cummissiones.

·       Ateras chistiones de bisontzu.

 Datu chi amus bisontzu chi ventzan finidos sos travaglios in arrejonu, totu sos interventos  non an a poter superare sos 15 minudos.

Poten puru faeddare sos militantes chi non son membros de su C.N., chene diritu de votu, ma pro non prus de 5 minutos.

Nugoro 19/11/02

                                              SU COORDINADORE NATZIONALE

                                                      Bustianu Cumpostu

29/09/02 CUSSITZU NATZIONALE DE SARDIGNA NATZIONE

Caru patriota membru de su Cussitzu Natzionale de Sardigna Natzione ses cumbidadu a partetzipare a s’aboju chi si faghet sa die 29/09/02, de sapadu, in Arastanis in s’aposentu de abojos de su MISTRAL 1 ( a curtzu a su tzinema ) a sas 16.30.

Est istadu fissadu de duminiga ca su sapadu non si son buscados aposentos liberos.

Datu s’importu mannu de sos argumentos in kistionu sa presentzia tua est netzessaria meda, si pro casu non potes partetzipare ne deves dare tocamentu, pro telefono o pro iscritu, a su coordinadore natzionale.  tel. 0784/415239 - 0784/415249 -  339/4232098   - 348/7815084.

Datu chi custos abojos de su cussitzu natzionale servin puru comente iscola de militantzia ti cumbido a assicurare sa presentzia tua e de sos tesserados chi tue connosches.

Arrejonos de sa die

·       Relata de novas de su coordinadore .

·       Relata de sos delegados imbiados in Euscadi e ponidura pro sas ispesas fatas.

·       Nomina de su vice coordinadore e de su secretariu amministrativu .

·       Candidaduras pro sas presidentzias de sas cummissiones.

·       Amparadura de sos cungressos de distretu.

·       Ateras chistiones de bisontzu.

Datu chi amus bisontzu chi ventzan finidos sos travaglios in arrejonu, totu sos interventos  non an a poter superare sos 15 minudos.

Poten puru faeddare sos militantes chi non son membros de su C.N., chene diritu de votu, ma pro non prus de 5 minutos.

Nugoro 16/09/02

  SU COORDINADORE NATZIONALE

         Bustianu Cumpostu

ADDOBIU DE SARDIGNA NATZIONE PRO SA DEFENSA DE SA LINBA SARDA

FAEDDAMUS SU SARDUS  MANNIGANNE S’ITALIANUì

PARLIAMO IL SARDO  MANGIANDO L’ITALIANO

. Sa defensa de sa linba sarda e de tottu sas minoria linbisticas chi curren s’arriscu de esser galu una via umiliadas dae sa mancata essidura de sa letze de amparu de sa minorias linbisticas, ja approvada dae su parlamentu e dae su senadu e in isettu de sa virma de su presidente Ciampi. Sardigna natzione faghet un’abboju acurtzu a su palatzu de sa Rezone Sarda.

Pro accrarare chin fortza ma in manera patzifica, sa bolontade de defennere sa linba nostra ( su sardu) e su rebutzu pretzisu de s’impositu de una linba istranza ( s’italianu), sos patriotas de Sardigna Natzione  pro una chida intrea, dontzi die, an a brujare a craru unu vocabulaiu de sa linba italiana e a borta a borta s’an a istare de mannigare e s’an a alimentare solu chin pazinas de su vocabolariu italianu.   

  In custa manera Sardigna Natzione si ponet s’inpositu de accrarare chi su populu sardu at dirittu dare alimentu a sa curtura sua non solu chin sa linba italiana ma chin totu sa linbas de su munnu e prus de totu chin sa linba sua e pessat chi tale dirittu siat de inportantzia manna pro dontzi populu.  

S’aboju at a cumintzare merculi 8 de Nadale a sas 10.30 e at a durare nessi vinas a dominiga 12. S’addobiu at a cumintzare chin d’una cunferentzia de istampa a sa 10.30 in sa sede de Sardigna Natzione in via Roma 59 e sichire sutta so porticos de su palatzu rezonale.

(Bortadura in italianu)

In difesa della lingua sarda e di tutte le minoranze linguistiche che rischiano di essere ulteriolmente umiliate con la mancata promulgazione della legge sulla tutela delle minoranze linguistiche, già approvata dal Parlamento e dal Senato ed in attesa della firma da parte del Presidente Ciampi, Sardigna Natzione indice un sit-in di fronte al palazzo del consiglio regionale.

Per manifestare con forza ma in termini pacifici, la volontà di difendere la propria lingua nazionale ( il sardo ) e  il netto rifiuto dell’imposizione di una lingua straniera ( l’italiano), i militanti di Sardigna Natzione per una settimana bruceranno in pubblico un vocabolario della lingua italiana al giorno e a turno inizieranno uno sciopero della fame mangiando per due giorni solo pagine di vocabolario.

Con questa iniziativa Sardigna Natzione intende ribadire che il popolo sardo ha il diritto di nutrirsi culturalmente, non unicamente con la lingua italiana ma con quelle di tutto il mondo ed in particolare con la propria lingua e ritiene che questo diritto sia irrinunciabile e fondamentale per ogni popolo.

Cumbidamus totu sos sardos chi an a coro sa linba sarda a partetzipare a s’abboju.

Nugoro 6/12/99                                               

      Coordinamentu Natzionale de Sardigna Natzione