Il Convivio * Poesia e Dialetto |
Antonio Noto |
U llammicu Ora pi sti festi di Natali nun mi faciti i soliti riali: sciarpi, cruvatti, portampruogghi avannu nun ni vuogghiu. Stavota mi vinni nu llammicu: i cosi aruci di quann’era nicu. Purtati na nquantera i mastazzola, n-tabbarè di firrincozza e di cannola, nzuddi, taralli, cassateddi. No durci da vitrina do durcieri, ma chiddi fatti de fimmini di casa, (russi po furnu e bianchi di farina); cosi frimmati nte casciola, cosi ca lassunu n-sapuri di fumu, di brasci e magghiola. Chisti, u sacciu, vi parunu pinzera di na testa sfasata, di unu ca a centru di mmirnata va lamiannu pi na scagghia i primavera. Perciò mi rici a testa ca pi sta festa amici e parienti nun mi rialunu avannu u restu i nenti. |