|
Chiangiri
Chianciri ntisi lu suli ca luna,
tutti li stiddi paru lagrimari.
La terra di niuru vistuta,
e cu li figghi ṣ tutti abbrazzati.
Gintili anurati scinziati,
dedicu tutti a vui li frasi mia.
Di no gnucari tantu ca natura,
si mpocu mpaci vulemu ristari.
Gas nirvinu, roba nucliari,
la terra ne supporta chisti cosi,
ca mancu un ciuri si vidi spuntari.
Cu tutti sti uprigi ca uprati
circati lu mischinu p’aiutari,
inveci l’animali di crunari
e nta lu munnu su mali sti cosi.
Lu veru scinziatu penza paru,
e no li cerca mai tanti tisori.
Parra di paci e mai chiui di guerra.
Ora l’umanità tantu ci spera. |