Poesie

A Nostra Segnora e sa Salude


Madonna e sa salude intitulada
de bontade de grazia piena
sana Tu incurabile sa pena
ue non podet s'iscenzia umana
s'incurabile pena Tue sana
s'umana iscenzia umana
s'incurabile pena sana Tue
ue non podeded s'umana iscenzia;

sos chi t'invocan in sa sufferenzia
su piedosu coro non Ti cocana
sos chi in sa suferenzia t'invocana
non Ti can su piedosu coro
a s'agonia e patimentu insoso
Mama de ogni mama pone fine.

S'amore Tou ca no at cunfine
cura Maria s'umanu dolore
e non los lessas isperare invano
po tantos malos chi bundan de nou.

Ca confine  no at s'amore Tou
Cura de tentos s'umanu dolore
Ca cunfine no at su Tou amore
Cura de tantos su dolre umanu
E non los lessas isperare invano
Ca bandana de nou tantos males ;

Infermerias e in'ispidales de chie sufrit in cabita sias
in s'ispidales e infermieras
sias de sos chi sufrin in cabita
ca s'immagine Tua beneita
lis servit de cunfortu in cussu drama.

A s'agonia e patimentu issoro
pone fine sa Mama de ogni mama.

Ca professores de rangu e de fama
s'arrendene de frot' a sos tumores
in trombos e infartus si difendene
senza blocare sa morte e su tangu.
Ca professores de fama e de rangu
S'arrendene de front' a sos dolores
Ca de fama e rangu professores
De fronte a sos tumores si arrendene
In trombos e infartu si difendene
Senza blocare su tangu e sa morte;

tue padrona e sa Celeste Corte
faghenos vivere in salude ona
tue padrona e sa Celeste Corte
faghenos vivere in bona salude
de cantos morin sa juventude
can o mai no as cumpassione.

A s'agonia e patimentu issoro
Mama de ogni mama fine pone.

A sa campagna presta attenzione
ca peste e nue sun fatende festa
cantu produit malaidu este
no est de unu die sa cucagna.

Atenzione presta a sa campagna
ca peste e nue sun fatene festa
a sa campagna attenzione presta
ca festa sun fatene nue e peste
cantu produit malaidu este
sa cucagna non b'es de unu die ;

A suplicare  a Deu prego a Tie
c'arrivet custa oghe a s'Empireu
prego a Tie a suplicare a Deu
c'a s'Empireu arrivet custa oghe
ca ogni tantu Romana est'inoghe
a pes Tuos preghende umiliada.

De bontade de grazias piena
Madonna e salude intitulada.
Pro finis protetora soprana
bloco su carru e s'Eliconamia
poi chi t'at pregadu in poesia
in limba e Logudoro una campana
Nostra Signora Mama su Messia
j ides cantu Ti onorat Romana
po cussu custa zente lassa sana
cum benessere paghe e allegria
q sos chi compagnia m'ana fatu
lis auguro giojos e ispannos
e Lis dedico immensamente gratu
s'istima mia e ateros annos.


A  su paese de Romana.
In rocca frimma su Paese meu ,
est fraigadu in duna zona bella ,
e li faghene a palas sentinella ,
Miti , Monte Majore, e Monte Deu.

          A sa dresta  sa diga , ei su lagu
          Puttos , sas Somas , cun atteras terras,
          Salzioro , Tilonda , e tottu Serras,
          sun  cun Santu Lussulzu , e Santu Jagu .

A su fiancu manca sa campagna ,
a pasculu , e laore at sempre resu ,
su monte  su casteddu idede atesu ,
gai de Cossoine sa campagna .

           Minerva maestosu l ' at de fronte
           Inue  buscu e selvaggina  b'ada ,
           e i calcareu e rocca tagliada
            mirasa  de sos Dorias su monte.

Cuss' este una bellesa naturale
chi fattu  ad ' invisibile iscappeddu ,
ma tua est sa funtana de Littigheddu
su miraculu de s' abba minerale .

           Su Temo cun eternos mormorios
          da ' cunfine a  confine t' accumpagnada ,
           ma su terrinu tou ancora bagnada
           s' unda perenne de  atteros tres rios.

Est calma , e ospitale custa idda ,
n mai ses de sambene bagnada ,
e in sas abbas de ogni contrada
solit  bendare sa mezzus  ambidda .
           
          Pro ide sunu adattos sos terrinos ,
          p  fruttetos , ortaglia , ei s' olia ,
          sun  bonos  casu e petta , in bidda mia ,
          poi n  faeddemus de sos binos .

Ses' sette Paeses cunfinantes,
tenes , e tue a centru ses Romana ,
possedis bellas sa domos dejana,
e n ti mancan tumbas de zigantes .

          In sas collinas  e  baddes amenas
          n  ti mancana trainos n funtanas ,
          e sunu abbas lezzeras e sanas
          chi a su  Temo s ' avviana  serenas.

Gavino Piredda