|
A su paese de Romana. In rocca frimma su Paese meu , est fraigadu in duna zona bella , e li faghene a palas sentinella , Miti , Monte Majore, e Monte Deu.
A sa dresta sa diga , ei su lagu Puttos , sas Somas , cun atteras terras, Salzioro , Tilonda , e tottu Serras, sun cun Santu Lussulzu , e Santu Jagu .
A su fiancu manca sa campagna , a pasculu , e laore at sempre resu , su monte su casteddu idede atesu , gai de Cossoine sa campagna .
Minerva maestosu l ' at de fronte Inue buscu e selvaggina b'ada , e i calcareu e rocca tagliada mirasa de sos Dorias su monte.
Cuss' este una bellesa naturale chi fattu ad ' invisibile iscappeddu , ma tua est sa funtana de Littigheddu su miraculu de s' abba minerale .
Su Temo cun eternos mormorios da ' cunfine a confine t' accumpagnada , ma su terrinu tou ancora bagnada s' unda perenne de atteros tres rios.
Est calma , e ospitale custa idda , né mai ses de sambene bagnada , e in sas abbas de ogni contrada solit bendare sa mezzus ambidda . Pro ide sunu adattos sos terrinos , pò fruttetos , ortaglia , ei s' olia , sun bonos casu e petta , in bidda mia , poi nò faeddemus de sos binos .
Ses' ò sette Paeses cunfinantes, tenes , e tue a centru ses Romana , possedis bellas sa domos dejana, e nò ti mancan tumbas de zigantes .
In sas collinas e baddes amenas nò ti mancana trainos nè funtanas , e sunu abbas lezzeras e sanas chi a su Temo s ' avviana serenas. …
Gavino Piredda
|
|