S'IMPRENTU
In Sardigna, totus is sagras de is messaius e is festas campestris ki
cumentzant in beranu sighint po totu su mes’e lampadas. Siat in is
biddas mannas ke in is piticas, ki s’agatint a s’internu o a s’e mari
de sa Regioni, d’onnia arrecurrentzia est un’occasioni bona po fai
sfiladas in costumu e manifestatzionis de folkolori ki atraint
s’attentzioni e s’interessamentu de is biaxadoris e de is turistas (
gloss.
).
Ma s’arribu de sa stasoni bona fait puru tot’unu cun su cumentzu de sa
pisca in is biddas de sa costa. In su tret’e mari ki dividit Carloforti - ki
s’agatat in s’Isula de Santu Perdu - e Portoscusu, in su tempus ki andada
de fin’e Maju a cumentzu de Mes’e lampadas, c’est sa passada de sa tunina.
Sa matantza est unu ritu crueli, mancai siat liau a un’attividadi de produsioni
meda antiga e de innui dipendit sa vida de medas famillias de piscadoris
de sa zona. Perou est puru unu spettaculu ki d’onni’annu attirat centenas de
turistas: est po custu motivu ki nosu dd’aparaus in custu giornali mesili
comenti un’appuntamentu de grandu interessu in mes’e is manifestatzionis
liadas a sa traditzioni e a sa curtura de sa Regioni.