S'IMPRENTU




Is mesis de maju e de lampadas funt is mesis de sagras e festas de campagna e de is sfiladas in costumu. Sa prus connota est cussa de Casteddu po s’alabada de Sant’Efis ( gloss. ), ki est stetia proponnia in su segundu numeru de custu giornali de s’annu passau.



Ma a Sassari, in su Dominigu de s’Ascensioni, nc’est un’atra grandu manifestatzioni de su folkolori: sa Cuadditzina mellus connota comenti sa Cavalcada Sarda ( gloss. ).



Acanta de Nuoru, a Lula, s’alabat sa Novena po Santu Frantziscu. In d’onnia bidda faci a sa metad’e su mesi s’afestat Santu Sidoru amparadori de sa messi e de is messaius. In is mesis de Maju e de lampadas, is turistas ki arribant in Sardigna, podint agatai, in d’onnia bidda festas cun passilladas de assotzius de su folkolori; est cumentzada sa stasoni bona e su tempu bellu permitit de apariciai a s’obertu medas sagras: de custas eus scioberau cussa de sa çerexa a Biddexidru e cussa de su meli a Montibecciu ki si tenint tot’e is duas a primitziu de mes’e lampadas.

Sa prima, si tenit a Biddexidru giai de medas annus: est un’appuntamentu de d’onnia beranu. Invecis, sa sigunda, s’afestat de pagu tempus: est nascia po fai connosci e torrai fai a bivi su centru minerariu ki - una borta serradas is mineras a giru de innui fiat nasciu- arriscat de non contai prus nudda e de benni discuidau de is turistas e peus ancora abandonau de is abitantis.







* Sommariu * News * Sa sagra de su meli * Sa sagra de sa çerexa

* Sa Comunidadi Europea * Fueddariu * Calendariu de is festas * Agiudu po imperai su giornali

* Copertina * * e-mail: Sarnews@crs4.it *