Cantigu a ballitu

Cantu diad'esser bellu

sos annos chi mos restana

a biver totus in paghe e in amore.

S'aia giutu unu pinzellu

de cuddos chi si prestana

a sa tristura aia dadu colore

mudande ojos e laras

e tinghinde sas caras

cun sas imprentas de su bonumore

a duas e a tre piza

de sas pessones de su duamiza.

 

Su popolu e Sardigna

pintadu l' aia serenu

a sutta de apatzosos cumandantes

a sa sorte maligna

ch' esserent postu frenu

dande a totus trabaglios bundantes,

e sas nostras bellesas

mudadas e difesas

furrighesos e tumbas de zigantes, nuraghes consumidos,

s' imbidia e totu sos chi los ant bidos.

                       

                        Iscanu, 22/08/1999

                               A. Piras

Torna a Su Cuncordu Iscanesu