Cantigu de amore.. (a ballu cantigu)

Tue si chi ses rosa de istimare
naschida in su giardinu sa prus bella
cumpanza de sa luna e de s'istella
chi solit dogni mente illuminare.
Ti faghes dogni coro avvicinare
pro sa fine e bellissima figura
ca sos donos chi rendet sa natura
no' s'agattat dinari a los pagare.

Tue si chi ses rosa de istimare.

Tue de istimare za ses rosa
de ti tenner in donu po recreu
ca sas virtudes chi t'at dadu Deu
mai de las negare no' est cosa,
cun sa mirada tua grassiosa
allegras dogni coro e dogni mente
lampana de amore risplendente
chi faghes lughe in terra e in mare.

Tue si chi ses rosa de istimare.

                       Antoni Piludu