©Vita Nostra 2001, anno 41, n. 12
domenica 18 marzo In questo numero: p. 6
1) Lc 15,1-32
2) Commento alla IV Domenica di Quaresima dei Diaconi e Tonino Zedda
3) Parafrasi della parabola del Figlio Prodigo di Melchiorre Dore
|
1 Tandus fiant acostendi anca fut issu totus is datzieris e is pecadoris po
dd’ascurtai.
2 E is fariseus e is òminis de lei murrungiànt, narendi: «Custu arrìcit
pecadoris e papat cun issus».
3 E issu si fut postu a ddis nai custu contu:
4 «Chini est de bosatrus, tenendi centu brebeis e chi ndi perdit
una, non lassat cussas norantanoi in su desertu e ponit infatu a sa chi s’est
pèrdia, fintzas a candu dd’at agatada?
5 E candu dd’agatat, si dda ponit in coddus totu prexau,
6 e candu est lòmpiu a domu, cumbidat is amigus e is bixinus e ddis narat: «Alligraisì
cun mimi ca apu agatau sa brebei mia, cussa chi ia pèrdiu».
7 Deu si naru ca aici e totu ddu’at ari prexu in su celu po unu pecadori chi
furriat de pentzamentu, prus che po norantanoi giustus
chi non tenint abisongiu de furriai de pentzamentu.
8 O chi no’, cali fèmina chi tenendi dexi soddus de prata, chi essat pèrdiu
unu soddu, non alluit sa làntia e mundat sa domu e
cicat cun còidu fintzas a candu no dd’agatat?
9 E candu dd’at agatada cumbidat is amigas e is bixinas, narendiddis: Alligraisì
cun mimi, ca apu agatau su soddu de prata chi ia pèrdiu.
10 Aici e totu, deu si naru, ddu at prexu ananti de is missus de Deus po unu
pecadori chi furriat de pentzamentu.
11 E at sighiu a nai: «Un’òmini teniat duus fillus.
12 Su prus giòvunu de issus dd’at nau a su babbu: Babbu, donamì sa parti de sa
sienda chi mi tocat. E issu ddis at pratziu is benis.
13 Non medas dis infatu su fillu prus giovunu si nd’at pinnigau totu e est
partìu a unu logu aillargu e innì at isperditziau su beni cosa sua faendi una
vida sbeliada.
14 E candu at spèndiu totu, est sussèdia una carestia manna, in cussus logus, e
issu at cumentzau a èssiri a sa strinta.
15 Aici est andau e s’est acordau cun d’unu chi biviat in cussu logu, e cuddu
nci dd’at mandau a is terras suas a pàsciri procus.
16 Fut lòmpiu a disigiai de si pràndiri de sa carruba chi si papànt is procus,
ma nemus ndi ddi donàt.
17 Tandus fut torrau in sei e naràt: «Cantus gerronaderis de babbu miu tenint
pani de srobbu e deu innoi seu morendi de fàmini.
18 Mi nd’apu a pesai po andai anca de babbu miu a ddi nai: Babbu, apu pecau
contras a su celu e in faci tua.
19 Non minesciu prus de mi nai fillu tuu, faimì comenti de unu de is
gerronaderis tuus.
20 E si ndi fut pesau e est andau anca fut su babbu.
Sendi issu ancora aillargu, su babbu dd’at biu, e nd’at tentu piedai e at
curtu a dd’obiai, si nci dd’est getau a su tzugu e dd’at basau.
21 Dd’at nau, tandus, su fillu: «Babbu, apu pecau contras a su celu e in faci
tua, non minesciu prus de mi nai fillu tuu».
22 Ma su babbu at nau a is tzeracus suus: «A lestru, bogaindi a foras su primu
bestiri e besteisiddu, e poneiddi aneddu in su didu e sandullus in is peis,
23 e beteindi su vitellu grassu, boceiddu e papeus e afesteus.
24 poita custu fillu miu si fiat mortu e est torrau a bivi, dd’iaus pèrdiu e dd’eus
torrau a agatai. E iant cumentzau a fai festa.
25 Su fillu suu prus antzianu fiat a su sartu e comenti, torrendi, est
acostiau a domu, at intèndiu sonus e dantzas,
26[+e] at tzerriau a unu de is srebidoris e ddu spreculàt ita fiat sa cosa.
27 E issu dd’at nau: «Fradi tuu est torra in domu e babbu tuu at bocìu su
vitellu grassu, ca si dd’at torrau a biri ananti sanu».
28 Issu s’est arrennegau e non boliat intrai, tandus su babbu est bessiu e megat
de ddu pregai.
29 Ma issu arrespundendi dd’at nau a su babbu: «Castia a biri, de cantus annus
deu seu srebenditì e mai a mancunu pretzetu tuu nci seu bessiu ainnantis e a
mimi mai tui m’as donau unu crabitu po fai festa cun is amigus mius.
30 Ma candu custu fillu tuu chi nci at ingùrtiu totus is benis tuus cun is
fèminas malas est torrau, tui as bocìu po issu su vitellu grassu».
31 Tandus issu dd’at nau: «Fillu, tui ses sèmpiri cun mimi e totu sa cosa mia
est cosa tua;
32 ma bisongiàt a fai festa e a s’alligrai, ca custu fradi tuu si fiat mortu e
est torrau a bivi, e dd’iaus pèrdiu e dd’eus torrau a agatai».
2) Commento (per ora non disponibile)