1) Gv 21,1-19 Est su Sennori, est!

21,1 Apustis de custas cosas Gesus fut aparčssiu (si fut fatu biri) torra a (de) is iscientis suus in su mari de Tiberiadi. E fut aparčssiu aici:

2 fiant impari Simoni Perdu e Tomasu, su chi ddi narānt A Loba, e Natanieli su de Cana de sa Galilea e is (fillus) de Zebedeu e atrus duus de is iscientis suus.
3 Simoni Perdu ddis narat: Deu mi nd'andu a piscai. "Andaus nosu puru a t'agiudai" dd'ant nau totu is atrus. Fiant bessius e nci fiant artziaus a sa barca, ma in totu sa noti no ant cassau nudda.
4 Candu fut obrescendi Gesus fut in s'oru de su mari, ma is iscientis no isciiant ca fut Gesus.
5 Gesus tandus ddis at nau: "Piciocus, pisci no ndi portais?" . "No, manc'unu" - dd'ant arrespustu.
6 Issu ddis at nau: "Getai s'arretza a manu dereta de sa barca, e nd'eis a agatai". E nci ant getau s'arretza e no nci dda podiant tirai a susu, de cantu su pisci fut meda.
 

7 Tandus su scienti chi Gesus stimāt de prus ddi narat a Perdu: "Est su Sennori, est". E Simoni Perdu, candu at intendiu ca fut su Sennori, s'at strintu (a fiancus) su bestiri de pitzus, ca si ndi dd'iat tirau, e si nci fut getau a mari.
 

8 E is atrus iscientis funt bennius cun sa barca, ca non fiant aillargu de sa terra chi no unus centu passus, traghendinci s'arretza de is piscis.
9 E comenti nci funt abasciaus a terra bint ca ddu'iat braxa alluta e in pitzus pisci e pani.
10 Gesus ddis narat: "Betéi de icussu pisci chi eis cassau imōi".
 

11 E Simoni Perdu nc'est artziau a sa barca e at agiudau a nci tirai s'arretza a terra prena de centucinquantres piscis mannus, e mancari essant aici medas s'arretza non si scorriāt.
12 Gesus ddis narat: "Tocai, mruzai". E nemus de is iscientis s'atriviat a ddi pregontai: "Tui e chini ses?". Sciendi ca fut su Sennori.
 

13 E tocat Gesus e pigat su pani e ddu donat a issus, e aici e totu fait cun su pisci.
14 Custa fiat giai sa de tres bortas chi Gesus fut aparčssiu a is iscientis suus agoa chi Deus ndi dd'iat pesau de is mortus.
 

15 E candu ant mruzau Gesus a Simoni Perdu ddi narat: "Simoni de Giuanni, m'istimas prus de totu?". [Perdu] Ddi narat: "Sissennori, tui gi ddu scis cantu ti bollu beni". [Gesus] Ddi narat: "Pasci is angionis mius".
16 Ddi torrat a nai sa de duas bortas: "Simoni de Giuanni, m'istimas tui?". Ddi narat: "Sissennori, tui gi ddu scis cantu ti bollu beni". Ddi narat: "Pasci is brebeis mias".
17 Ddi torrat a nai sa de tres bortas: "Simoni de Giuanni, beni mi bolis tui?". Perdu si fut intristau ca dd'at nau po tres bortas: Beni mi bolis tui?, e ddi narat : "Sennori, tui scis totu, tui gi ddu scis cantu ti bollu beni". Gesus ddi narat: "Pasci is brebeis mias.
18 Ti naru sa beridai: candu fiast prus giovunu, tui ti cuncordāst e andāst a innui bolėast. Ma candu as a essiri béciu, as a allonghiai is bratzus, e un'atru t'at a cuncordai e t'at a ingolli a innui non bolis".
19 E custu dd'at nau po sinnalai cumenti Perdu depiat morri e glorificai a Deus. Gesus dd'at nau aici e dd'at aciuntu a Perdu: " Tui sōdiga cun mimi".