- Poesia
e dialetto
|
- Sugnu
bestia
-
- M’ava succidutu tanti voti
- liggennu ‘nte giurnali o ‘nte
rivisti
- o sintennu a televisioni,
- vidiri o sèntiri certi paroli
- chi iò non capisciu.
- ‘Ntinnennu chi sunnu
- paroli ‘taliani
- pigghiu u vucabulariu,
- cercu, cercu
- e nun trovu nenti.
- E allura pensu:
- ‘stu vucabulariu non servi!
- Allura vaiu ‘ddumannannu
- a chistu e a chiddu
- chi cavulu vonnu diri
- ddi paroli strani.
- Quarcunu m’arispunni
- cu nnaturalizza
- chi su paroli novi,
- chi venunu du ‘ngrisi
- ricenti fruttu dilla moda,
- dilla scienza
- e dilla “tecnologia”!
- Ma quantu sugnu bestia!
- Sugnu propriu sceccu cu la cuda
- chi nun canusciu ancora
- ‘sti paroli streusi,
- ‘sta nova “terminologia”!
- Ma unn’annasti,
- caru ‘talianu
- chi mmi ‘nsignaru a scola?
- ‘U fattu è chi ora puru idda
- hannau a farsi ...”funniri”
- ‘nsemi
o ‘talianu!
|
-
|