Home page

Come arrivare

Leggende e tradizioni

Le origini Feste e sagre Arte e Archeologia

 

 

 

Laudes de Santu Lorenzu diaconu martiri

 

Raju de divinu amori

Luxi clara reluxenti

  De su fogu eternu ardenti

Ses Lorenzu difensori

 

1.Tui ses Angelu terrenu

ses omini celestiali:

alligras dogna mortali

s’inferru ponis in frenu

se divin’amori plenu

cherubin’in su fervori

 

Rit. De su fogu ecc.

2. T'est Oronziu babbu santu

e passienzia mam’ancora

nascis simili a s’aurora

cun risplendoris de ispantu

osca in s’Ispagnola totu vantu

tenit e immortali onori

 

Rit. De su fogu ecc.

3. Sa digninadi dagrada

de Levita sacrosantu

fait cumprendiri su vantu

de una vita immacolata,

innocenzia acrisolada

e sapienza de primori

 

Rit. De su fogu ecc.

4. De su dagru Vaticanu

fideli depositariu

Lorenzu tenit s’erariu

S’allarghit su Cristianu

Liberali tenis manu

Ses Giuseppi Provvisori

 

Rit. De su fogu ecc.

5. Caminendu Sistu Santu

A su martiriu penosu

Tui discipulu virtuosu

Du sighast in dolu e plantu

Reclamendu, o babbu tantu

Non mi lessi cun dolori.

 

Rit. De su fogu ecc.

6. In s’incontru agonizzanti

de Gesus in dus amantis

cun votu firmu incessanti

sistu morit ainanti

e Lorenzu posteriori.

Rit. De su fogu ecc.

 

7. Deciu Cesare ambiziosu

t’insultat po su tesoru

cun immortali decoru

ddu cunservat coidadosu,

A su giustu bisongiuosu

Ddu dispensat cun amori.

 

Rit. De su fogu ecc.

8. Cintu de duras cadenas

Ses lorenzu impersonau

Ses fertu, scarnificau

T’arrogant artis e venas

Ind’unu meri e penas

Ses Valenti bincidori

 

Rit. De su fogu ecc.

9. Sunfris laminas ardentis

Acciottus, iscorpionis

Villanias afflizionis

Iis doloris prusveementis

Meda Romanus presentis

Ti prangiant cun clamori

 

Rit. De su fogu ecc.

10. Un incendiu, grandu fogu

cun amori altu potenti 

Disprezias cun burla e giogu

Custu lettu de abruxiori

 

Rit. De su fogu ecc.

11. in is fiammas abruxendu

Naras a Valerianu

Furria, pappa, o inumanu

Sa parti chi est arrustendu

Fenizi ses rinascendu

Moris po divinu amori.

 

Rit. De su fogu ecc.

12. De Gesus onnipotenti

Nos imploris santu amori

De su fogu eternu ardenti

Ses Lorenzu difensori