N valguna paroles danora  

La Grupa per la Defendura di Uciei de Gherdëina se à ti ultimi ani dat ju cun gran mpëni y nteres cun l'usservazion dla ciaftes, tier che à for bele descedà l nteres dla persona, sibe per la tëma che l ti fajova che per l respet che l fova bon de se fé avëi. Nce l' Ufize per i Parcs Naturei se à pruà dassënn a fé cunëscer ala jënt chësta familia de uciei tres publicazions y mostres. On pruà a mëter adum chësc software cun la ntenzion de ti dé tla mans ai nteressei n mésun adatà ai jëuni, per i judé a ti ruvé permez a na grupa de tieres, che i ne ancunterà plu dessegur nia tan prësc.Ulessan rengrazië l'Ufize per i parcs naturei y l'artista Simonetta Varchetta de Al Plan de Mareo de nes avëi metù a deposizion l material ilustratif.
N gra de cuer va nce ala Grupa per la Defendura di Uciei de Gherdëina y n particulèr a Marco Obletter y a Pauli Laimer per la cunsulënza tl ciamp dla biologia.	N bon viac de descurida mbincia l'autëur Dut. Vito Miribung.
De gra dl'aiut nce al'Istitul Culturel Ladin Micurà de Rü per la cumedures ai tesc.