|
Archiviu
[dalla raccolta "Poesia in bianco e nero"]
Intra nna stanza li scaffali chini
spetterranu de carte, sparpagghiati
subbra 'lle bbanche, cu 'lli bullettini
muntuni de reggistri iatecati...
... de nnu sieculu e passa ci su storie,
de vite umane, de suturi, mbrogghie...
nci suntu d'ognessorta le memorie
e le speranze... unite cu 'lle dogghie!
... e ieu accquaintra, m'aggiu reggettatu
doppu tanta fatia, straccu, delusu...!
Quista la sorte mia, quistu lu fatu...
Puru nu mme nde preme... restu scusu
penzandu allu passatu miu felice...
... Lu libbru de li cunti l'aggiu chiusu...!
|