2.4
Si naran permutaziones semplizes de n cosas, s'una distinta dae s'atera, sas disposiziones semplizes de sas n cosas cando k est uguale a n. Sas permutaziones fun sos muntones de sas cosas, s'unu diferente de s'ateru, chi tenimus cambiandeddas de zassu. Ponimus chi 0! siat uguale a 1! e ambosduos sian uguales a 1. Sa matematica medas bortas pedit un attu de fide comente sa religione, a pustis totu torrat a bonu nostru. Foras de metafora 0!=1 no tenet contivizu de una dimustrazione, si pedit ca gasi non currimus arriscu de urruer in cuntraditorias e si podimus zare, e zamus unu sensu a sas formulas nostras. Comente sa chi sighit. In sa formula de sas disposiziones si k est uguale a n in su denominadore de su rapportu tenimus (n-n)! est a narrer 0! chi est uguale a 1,
0!
1
Ps[n_]:=n!/(n-n)!
Ps[7]
5040
Cun sas literas de s'alfabetu cun sas cales s'iscriet sa paraula Roma cantos faeddos distintos si poden pesare? {{roma, rmao, raom, roam, ramo, rmoa, omar, omra, oamr, oarm, orma, oram, maro, maor, mora, moar, mrao, mroa, amor, amro, arom, armo,aomr, aorm }}
Ps[4]
24