I VANGELI
ILLUSTRATI DA
ODO TINTERI
Gesù entra a Gerusalemme
Gesù entra a Gerusalemme da "I Vangeli"
Quande son staeti vixin a Gerusalemme e son
arrivae arente a Betfage, verso o monte di Ulivi, Gesù o l'ha mandòu dui di sò
"discepoli" dixendoghe:
«Andae in to villaggio che ve sta de
fronte; subito treuviéi n'azeninn-a ligâ e con lê un puléo. Deslighaeli e portaemeli
chì. Se quarchedun poi o ve dïâ quarcösa, rispondéighe: «O Segnô o n'ha bezeugno,
ma o ve i rendiä sùbito! ». Oua questo o l'è avvegnüo perché s'adempisse quello che
l'ëa staeto annunçiòu da-o profeta: « Dï a-a figgia de Sion: Ecco o tò re o vëgne da tìI paxe, assettòu in sce n'azeninn-a
con un pulèo figgio de bestia da càrego”. I discepoli son andaeti e han faeto
quello che Gesù o gh'avéiva ordinòu: han portòu l'azeninn-a e o pulèo , han misso in
sce lö i sò mantelli e Gesù o se gh'é assettòu sorva. A gente, ch'a l'ëa tanta, a
l'ha distéiso i sò mantelli in sciä stradda tanto che i ätri taggiavan ramme da-i
serboi e i destendéivan pe' a stessa. A gente ch'a l'andava
avanti e quella ch'a vegnïva derrê a criäva:
«Osanna a-o figgio de Davide. Benedetto
quello ch'o vëgne in to nomme do Segnô. Osanna in to ciù erto di çê».
Quande Gesù o l'è intròu in Gerusalemme,
tutta a çittae a l'ëa in agitassion e a gente a se domandava: <Chi o l'è questo
chì». E l'ätra gente a ghe rispondéiva: «O l'é o profeta Gesù, da Nazaret de
Galilea».
Mt 21,1-11
Pagina principale:indexgen.htm
http://digilander.iol.it/genovaodo/vangeli/illustrati.htm