San Fili - Letteratura dialettale
Filastrocche
Trilli trilli sette
E trilli e trilli sette
e ru trapanu e ra barretta
e ru trapanu e ru trapanu
e ru pizzu de la papara,
e ru pizzu e ru pizzu
e ru core chi ti mpizza,
e ru core e ru core
e ri vruocculi ccu ll'ova,
e ri vruocculi e ri vruocculi
e na spina fatta a zuocculu,
e na spina e na spina
e na feddra de latticinu,
e na feddra e na feddra
e na coscia de viteddra,
e na coscia e na coscia
e na vacca sana e grossa,
e na vacca e na vacca
nu liettu de tabaccu,
e nu liettu e nu liettu
e nu cuoppu de cumbietti,
e nu cuoppu e nu cuoppu
e nu ficatu de puorcu,
e nu ficatu e nu ficatu
e nu gaddru fattu a civita,
e nu gaddru e nu gaddru
e nu monacu 'ncavaddru,
e nu monacu e nu monacu
e na frittula ntra lu stomacu,
e na frittula e na frittula
e ru mele fattu a pittula,
e ru mele e ru mele
mannaia a ri vishchi de Don Michele.
Invocazione per placare la tempesta
Unu Ddiu patre e Signure,
unu Ddiu sempre adoramu.
Li due, 'u sule e ra luna
la terra si mantene
unu Ddiu patre e Signure ,
unu Ddiu sempre adoramu.
Li tri patriarchi
Giacobbe , Abramo e Sacco...
Li due , 'u sule...
...
...Diu sempre adoramu
I quattru evangelisti
I tri patriarchi...
Li due...
Unu ...
Le cinque chjiaghe de Cristu
Li quattru...
...
Le sie ntorce addrumate avanti a Ddio
Li cinque...
...
I sette galli chi cantavanu ara Galilea
ara grutta de Noč
Le sie...
...
Le otto anime giuste
I sette...
...
I nove cori de l'angeli
Le otto...
...
Li dieci comandamenti
I nove...
...
Le undici stelle dell'aria
Li dieci...
...
Li dudici apuostuli
Le undici ...
...
Are tridici va Luciferu
e fa nu shcattu
fa nu shcattu e na gran doglia d'arma.
Viva Ddiu chi la manna ra tempesta
e 'iddru si jissi ad arde.
Santa Lucia
Santa Lucia gruliusa e bella
faciadi orazioni ntra na cella.
Passa ru rre e dice :-Quantu si bella
Lucia, ti vorra dare il mio comando,
il mio comando e la mia volontade
ti la rigalo na bella cittade.
-Dimmi tu, re, de cchi si nnamuratu.
-Su nnamuratu de su bellu visu,
de si belli uocchi chi ntesta purtati.
Santa Lucia ccu na mente fina
si caccia l'uocchi e re minte mbacile.
-Purtatimi a ru rre chistu rigalu
e diciticelu ccura vucca vostra
ca ra bella Lucia nun la viditi.
Lu rre ha mannatu quattru saracini
ppe d'ammazzare la bella Lucia,
chine ccu spade e chine ccu curtella
avanti a Santa Lucia 'ntimaru nna guerra.
A Santa Lucia li scappau re risa
ccu l'angili č bulata mparavisu.
Ritorna a
San Fili - Letteratura Dialettale