PE' DISPIETTO
Corrado Sfogli - Paolo Raffone - Carlo Faiello
NUOVA COMPAGNIA DI CANTO
POPOLARE
Canto pe' dispietto,
Pe' chi se crede ca sto zitto
Canto pe' cantà,
Pe' tutt' 'e storie 'a raccuntà,
Ca forse nun se ponno dì
E ca nisciuno vò sentì,
Va forse nun se ponno dì
E ca nisciuno vò sentì...
Canto pe' dispietto,
Pe' tutt' 'o male ca s'è fatto
Canto pe' cantà,
Pe' chi nun se vò accuntentà,
Pe' chi se crede meglio 'e ll'ate
Sulo pecché cchiù 'ncopp' è nato,
Se sape 'a storia è sempe chella,
Chi nasce preta e chi 'na stella...
Ccà nun se parla cchiù,
E sott' 'o stesso cielo
Fatto pe' 'ncantà,
Stammo senza ce guardà...
Ccà nun se parla chhiù,
Se và sempe fujenno,
E 'a vita se ne và,
Senza storie 'a raccuntà...
Canto pe' cantà,
Pe' chi nun sape cchiù aspettà
Pe' tutt' 'o tiempo ca è passato
E nun ce simmo maie truvate
Pe' tutt' 'o tiempo ca è passato
E nun ce simmo maie truvate...
Canto pe' dispietto,
E 'o core sbatte forte 'mpietto
Sapenno forse ca ce stà
'Na strada pe' ce fa 'ncuntrà,
Sapenno forse ca ce stà
'Na strada pe' ce fa 'ncuntrà...
Ccà nun se parla cchiù
E sott' 'o stesso cielo,
Fatto pe' 'ncantà,
Stammo senza ce guardà...
Ccà nun se parla cchiù,
Se và sempre fujenno,
E 'a vita se ne và
Senza storie 'a raccontà...