4.2

bae a de nantis                  torra a segus

Show[graf1];

 

Duos eventos si naran indipendentes s'unu cun s'ateru cando sa circustanzia chi unu si verifichet no mudat in linea de prinzipiu sa possibilidade chi s'ateru eventu puru si manifestet senza mudare sa probabilidade sua. Si unu eventu est indipendente cun d unu ateru intra issos fun totu a duos indipendentes. Si J K W est su numene de una iscatula manna a intro de sa cales ddu hat ballas de irdu rujas, asulas e birdes, cando etande sa manu a s'inzerta si che nd ogat a foras una, si cuntrollat su colore, s'annotat e si che torrat sa balla a intro de s'iscatula, e si ripetet s'arte ponimus tres bortas, su fattu chi sa prima balla siat ruja, sa segunda asula e s'urtima siat irde, cun cust'ordine, est unu eventu cumpostu, ca si manifestat cando sa prima est ruja et sa segunda est asula et sa tertza est irde, e sos eventos elementares chi cumponen custu eventu fun intra issos indipendentes. Diversu fuit istau si sas tres ballas nde ddas haiamus piscadas dae s'iscatula a una a una, senza che ddas torrare a intro a pustis de haer leau annotu de su colore issoro. Si dd'arresonamus bene, a pustis de che nd haer piscau una, ponimus siat istada ruja, est beru chi de ballas asulas nd hat abarradu batoro, ma in totu, sas ballas fun una de mancu, cun d unu aumentu farzu de sa probabilidade de nde piscare una balla asula. In custa situazione sos eventos no fun indipendentes. Su teorema de sa probabilidade cumposta in tra eventos dipendentes variat unu pagu. Sena antizipare su ch'hamus a narrer a propositu de sas probabilidades cundizionadas, su teorema in chistione si narat goi:

p[a^b]=p[a]*p[b/a]

e sinnificat chi sa probabilidade cumposta de duos eventos dipendentes si carculat faende su produttu aritmeticu tra sa probabilidade de su primu eventu po sa probabildade de su segundu carculada custa comente chi su primu eventu si siat verificau. Torrande a s'esempiu sa probabilidade est tando: p[r,a,i]:

 

 ballas:=7;rujas:=2;asulas:=4;irdes:=2;

p[r_]:=rujas/ballas;

p[a_]:=asulas/ballas;

p[i_]:=irdes/ballas;

rai=rujas/ballas*asulas/(ballas-1)*irdes/(ballas-2)

 8

---

105