SEZIONE POESIA
LINGUA SARDA
Deo
e.... sa natura: s'atunzu
S'atunzu
cun sas abbas suas, sos colores suos! Sa terra umida e Infusta cun sos
solcos chi brincan e pianghen.
Sas arvures paren chi piangan cun sas fozas coloridas che lagrimas.
Sas camineras cobertas de lentore, sas istradas bezzas de pedra, drommin
sutta su caldu e coloradu mantu 'e fozas.
Sos puzones cantan subra sas arvures isfozidas pro saludare s'istiu.
Su sole giaru, como no inzegat pius e istat drommi- drommi, sas nues
inghirian in su chelu comente fozas ziraldas ispintas dae su entu.
Su grogu 'e su chercu paret sa lughe 'e s'istiu chi est restadu in s'
arvure pro li fagher compagnia. Sas fozas rujas, paren coros chi'olana
a chircare unu amore veru. Issos ballan, fatende su ballu tundu in s'aria,
acurzu a sas arvures bezzas sonnidas. Unu 'uttieddu brillat e lughet
subra 'e una una bella foza isfumada de ruju, birde, colore 'e s'aranzu
e grogu. Poi, pianu pianu, cominzat a pioer, su 'entu ballat in sas
puntas des sas arvures ispozadas, poi,ispassizzat subra sas fozas chi
coberin su terrinu, cun d'un'alenu lezeru, chi si las afferrat ai cudd
'ala 'e sos giardinos.
Unu raju' sole giaru faghet finire pianu pianu s'abba. In su chelu unu
arcu 'e Deu ispiccat bellu che unu camminu cobertu 'e colores chi incantan.
Sas fozas allegras giogan a costoi-costoi, poi si frimman girende cuntentas,
colorende su paesaggiu nieddu 'e su buscu minore de chercu.
Su irde de s'erva frisca, profumat s'aria 'e su manzanu e i sa terra
infusta e calda s'allegrat a su primu raju debile de lughe 'e sole.
Sas nues iscuras disparin e i sos colores des s'atunzu ispican in mesu
a unu paesaggiu naturale, pintadu cun colores isoltos in s'abba.
Sos colores des s'atunzu paren a sos ojos mios quasi unu sonnu chi S'avverat
poi 'e milli isperanzias.
1° Premio
LalIa Campus
Classe 1^ Media Nughedu San Nicolò