Sa sagra de su meli

Montibecciu






Sa sagra de su meli a Montibecciu ( gloss. ) est nascia in su 1994, po ditzidura de sa Proloco e de su comun’e Guspini, po circai de atrairi is sardus e is strangius po custu centru de mineras, nasciu a sa fini de su seculu passau acanta de sa mineras de prumu e de zincu, una de is prus mannas e produsivas de s’Europa.

Cun sa serrada de is mineras, Montibecciu at connottu unu lestu decadessimentu. Is trexentusotanta animas ki ddui bivint funt cirkendi de truessai sa partentzia po sempiri de is giovunus de sa bidda, e de fai in modu ki su turismu potzat arrennexi.



Su logu aundi s’gatant is mineras podit bessiri comenti punt’e arribu de visitas po genti passionera de mineralis de meda apretziu ( gloss. ) ki ingunis s’agatat: galena, blenda,sitzillu, pirite, barite, malachite. O ki no is turistas podint visitai, in su territoriu a giru, is montixeddus de arena de Ingurtosu e Piscinas ( gloss. ), arricu de testimongius storicus de s’epoca romana, logus de grandu bellesa naturali po sa presentzia de sa frora e de bestias meda particularis comenti çrebus e sirbonis in is padentis ( gloss. ), e mangonis color’e arrosa in is stanis ( gloss. ).



E po acabu nci funti is produsius de sa laurera e de sa pastoria: cordolinu e tipus de casu meda connotus ( gloss. ). Immoi s’antigu logu de mineras cun is ufitzius suus e su palatziu de sa dirigidura ( gloss. ), fabricau de di ora cun grandu manixiu de dinai e ancora intreu, est stetiu imperau po aprontai sa sagra de totus is produsius de sa abiargia ( gloss. ): su meli, ma puru sa pappa riali, saboni e cremas.

Est stetia organizzada puru un’amosta de produsius de s’artisanau e s’est discutiu de is possibilidadis turisticas de sa bidda.



Una sagra ki est su speru de torrai a produsi e, impari, una festa po non acabai a benni una biddixedda de pantasmas ( gloss. ).





* Sommariu * S'imprentu * News * Sa sagra de sa çerexa * Sa Comunidadi Europea

* Fueddariu * Calendariu de is festas * Agiudu po imperai su giornali

* Copertina versione italiana english version la nostra e-mail: Sarnews@crs4.it e-mail