U restorànde "U PPèpe Fìinde" se iàcchie a BBare, a la vì Dè Nicolò nùmmere trendacìnghe e trendasè, a nu punde de la cetà ca iè na delìzzie ca va d'o Triàde Pedrezzìidde a mmare.

P'arrevà all'appète iè bbùune a pegghià la vì Vindiquàtte Masce, chèdda strate ch'acchemmènze da Corse Cavùrre ca se iàcchie tra u Tiàdre Pedrezzìidde e u bbèlle palàzze de la BBanghe d'Itàgglie. Cammenàte pe tre stradùne ca ve devìdene d'o lungomàre, l'ùldema travèrse sop'a la dèstre iè la vì Dè Nicolò, quàse ad ànghele acchiàte u locàle nèste. Non ve petìte mbregghià! Ci-arrevàte, mbèsce, d'o lungomàre, avìt'a sapè ch'avìta rallendà u passe acquànne v'acchiàte iìnd'o LLarghe Giordàne BBrune ca se iàcchie tra u muèle de Sanda Necòle (N-dèrr'a la lanze) e la Rotònde, pegghiàte pe la vì Vindiquàtte Masce scènne pe CCorse Cavùrre, la prima travèrse a mmanemànghe (a sinistra) iè la vì Dè Nicolò.

Ce ppò menìte o cèndre che la tomòble, u chenzìgglie iè de parcheggià o muèle de Sanda Necòle, facce m-bbronde o Cìrchele Bariònne, oppùre mmènz'o spazzie o vecìne o Tiàdre Pedrezzìidde. Pò, cammenàte nu muèrse all'appète accòme ve sò ditte apprìme. Iè secùre ch'avìta fà na bbèlla cammenàte de non gghiù de cìnghe menùte. Ce ngase, nge venìte ad acchià de demèneche, iè secùre ca u parchègge u-acchiàte pure o cuèste d'u locàle nèste.

Ci-arrìv'a BBare da la provìnge non ha va fà iàlde ca pegghià la strate BBare-Lungomàre, ce vène da Sud e la strate BBare-Via Nàbbue, ce vène da Nord. Pò, no nge vole nudde a scì mare mare pegghiànne u lungomàre pezzìnghe ha d'arrevà o cèndre de la cetà prime de parcheggià la pròbbia tomòble. Mbèsce, ce venìte da le ndèrne, facìte attenzziòne a le ndecazziòne pe menì o cèndre de BBare, macàre pegghiànne la vì Amèndele, asscennìte u ponde de Sand'Andònie, arrevànne fingh'a CCorse Cavùrre, pò pegghiàte sùbbete la travèrse Via Vindiquàtte Masce, accòme ve sò sbiagàte apprìme ca se iàcchie tra u Tiàdre Pedrezzìidde e u palàzze de la BBanghe d'Itàgglie e ddà lassàte la tomòble e ve ne menìte bbèlle bbèlle all'appète.

U tragìtte da la stanziòne o "Pèpe Fìinde", non ve pìgghie cchiù de quìnnece menùte all'appète, dèsce menùte ci-alzàte u passe. Pegghiàte Via Sparàne, ca iè na zzona pedonàle, e cammenàte fingh'a VVia Peteggnàne, la prima travèrse alberàte, geràte a ddèstre e chendenuàte fingh'arrevà o Tiàdre Pedrezzìidde ca u vedìte facce m-bbronde, ndrezzàte pe VVia Vindiquàtte Masce è iè ffatte. Ce pegghiàte u tacse, da la stanziòne, pe qquànde tràffeche petìte acchià arrevàte pròbbie nnanz'o restorànde non gghiù de cinghe, dèsce menùte.

Ce vène d'o muèle nève (porto) pote godè d'u bus-navètte ch'arrìv'a CCorse Cavùrre, da dò u tragìtte iè pròbbie pìcche.