Il giglio fine, che il profumo spande,
con grazia avvolto alle sue stesse fronde, 
vuole sottrarsi agli amorosi affanni
ed a tante premure non risponde.
Egli dice: «Mi hai messo in queste fiamme, 
e a soccorrermi adesso ti confondi?
Per quanto ho camminato, le mie gambe 
sono stanche, ed il lastrico ne affonda».
E sempre più il suo senno s’arrovella 
chè ha dinanzi una figura bella;
e sempre più il suo senno si macina, 
ch’ei dice: «Come reggi, Caterina? »
sempre più il senno perde di valore,
chè tutti così domina l’amore.

Attornu a lu casteddu di Carini
cci passa e spassa un beddu cavaleri:
lu Virnagallu di sangu gintili
chi di la giuvintù lu vantu teni.
Di comu annarba finu a ‘ntrabbuniri
spunta, vota, ritorna, va e veni,
giria comu l’apuzza ‘ntra l’aprili
‘ntunnu a li ciuri a sùrbiri lu meli.
Ed ora pri lu chianu vi cumpari
supra d’un baju chi vola senz’ali,
ora dintra la chiesa lu truvati
chi sfaiddia cu’ l’occhi nnamurati,
ora vi canta cu lu minnulinu
di notti e notti dintra lu jardinu.

Lu gigghiu finu chi l’oduri spanni ammugghiateddu a li so’ stessi frunni,
voli canzari l’amurusi affanni
e a tutti sti primuri nun rispunni.
E iddu dici: — «M’hai misu ‘ntra sti ciammi 
e di dàrimi aiutu ti cunfunni?
Di quantu strata haiu fattu, li me’ gammi
su’ stracchi, e li balati su’ cchiù funni! ».
E sempri chi lu senziu cci smacedda
c’havi davanti dda figura bedda;
e sempri chi lu senziu cci smacina
e dici: — «Comu arreggi, Catarina? ».
E sempri chiù cci perdi in valuri
ca tutti accussi domina l’amuri.

Stu ciuriddu nasciu cu’ l’autri ciuri, 
spampinava di marzu a pocu a pocu; 
aprili e maju nni gudiu l’oduri,
cu lu suli di giugnu pigghiau focu;
e di tutt’uri stu gran focu adduma,
adduma di tutt’uri e nun cunsuma;
‘stu gran focu a dui cori duna vita,
li tira appressu comu calamita.